بارەگای بارزانی بڵاویکردەوە، سێشەممە، 10ی تشرینی دووەمی 2026، سەرۆک مەسعود بارزانی لە پیرمام پێشوازی لە عەلی باباجان سەرۆکی پارتی دیموکراسی و پێشکەوتنی تورکیا و شاندێکی یاوەری کرد. لەو دیدارەدا بیروڕا لەبارەی بارودۆخی سیاسی و دوایین پێشهاتەکانی ناوچەکە ئاڵوگۆڕ کرا و جەخت لەسەر بایەخی سەقامگیری و ئارامی و گرتنەبەری زمانی دیالۆگ لە ناوچەکە وەک بنەمای سەرەکیی بووژانەوە و پێشکەوتن کرایەوە.