ئەندامێکی ئەنجوومەنی پارێزگای کەرکووک لە وەڵامی بەدواداچوونێکی کوردستان24 سەبارەت بە کەمیی رێژەی فەرمانبەرانی کورد لە کۆمپانیای نەوتی باکوور هاتە دەنگ و رایگەیاند، سەردانی کۆمپانیاکە دەکەن بۆ تاوتوێکردنی ئەو نادادییەی لە دابەشکردنی هەلیکاردا هەیە. بەدواداچوونەکەی کوردستان24 ئاشکرایکردووە کە لە کۆی 15,000 فەرمانبەری کۆمپانیای نەوتی باکوور، تەنیا 2%ی فەرمانبەران کوردن، ئەمەش لە کاتێکدایە کە کورد زیاتر لە 50%ی دانیشتووانی کەرکووک پێکدەهێنێت.