بزووتنەوەی نوجەبای عێراقی لە رێگەی بەیاننامەیەکیدا کۆتایی بە هەموو مشتومڕ و پێشبینییەکان سەبارەت بە هەڵوێستی خۆی هێنا و بە ئاشکرا پابەندبوونی خۆی بە ستراتیژی یەکڕیزیی گۆڕەپانەکان و رێبازی میحوەرەکە راگەیاند، هاوکات هەڕەشەی تۆڵەسەندنەوەی توندی لە هێزەکانی ئەمریکا کرد. لە بەیاننامە فەرمییەکەیدا، بزووتنەوەکە جەختی لەسەر ناوەرۆکی پەیامەکەی موجتەبا خامنەیی کردووەتەوە، تێیدا ستایشی خۆڕاگری و یەکگرتوویی بەرەکانی بەرگری لە سەرجەم وڵاتاندا کرابوو.