وێستگەنیوز –فیردەوس دڵشاد بانگەوازەکەی مەسعود بارزانی بۆ دانیشتن لەگەڵ یەکێتیی نیشتمانیی کوردستان و پێکهێنانی "حکومەتێکی بنکەفراوان"، لە کاتێکدا مەسرور بارزانی کۆبوونەوەکانی ئەنجومەنی وەزیران بەبێ وەزیرەکانی یەکێتی بەڕێوەدەبات، پرۆسەی سیاسیی هەرێمی کوردستانی خستووەتە بەردەم وەرچەرخانێکی یەکلاکەرەوە. لە نێوان پێداگری لەسەر بایکۆت و هەوڵەکان بۆ هێورکردنەوە، پرسیاری ناوەندی ئەوەیە: ئایا لایەنەکان پەنا بۆ سازان دەبەن یاخود گرژییەکان قووڵتر دەبنەوە؟