ئومێد ئەحمەد، وتەبێژی وەزارەتی کارەبای حکوومەتی هەرێمی کوردستان لە لێدوانێکدا بۆ دەزگای میدیایی ۆڤار ڕایگەیاند، دوای ئەوەی بەرهەمهێنانی کارەبا لە هەرێم دابەزیبوو بۆ تەنیا نزیکەی هەزار مێگاوات، توانیویانە لە ماوەیەکی پێوانەییدا و لە ڕێگەی کارپێکردنی چەند یەکەیەکی کارەباوە، ئاستی بەرهەمهێنان بەرز بکەنەوە بۆ نزیکەی هەزار و ٥٠٠ مێگاوات. وتەبێژی وەزارەتی کارەبا ئاماژەی بەوەش کرد کە ئەم بڕە بەرهەمهێنانەی ئێستا بە تەواوی پشت بە وێستگە ئاوییەکان دەبەستێت.