پیت هیگسێس، وەزیری جەنگی ئەمریکا، رووبەڕووی شەپۆلێکی توندی ناڕەزایەتی و هەوڵی لەسەرکارلادان بووەتەوە لەناو کۆنگرێسی ئەمریکادا. ئەم فشارە تەنیا لە لایەن دیموکراتەکانەوە نییە، بەڵکو بەشێک لە کۆمارییەکانیش پێیان وایە سیاسەتە سەربازییەکانی ئەو وەزیرە ئەمریکایان بەرەو قەیرانێکی قووڵ بردووە. داواکارییەکان بۆ دوورخستنەوەی هیگسێس لە پۆستەکەی بۆ دوو هۆکاری سەرەکی دەگەڕێنەوە: تۆمەتی پێشێلکردنی دەستوور و یاسا نێودەوڵەتییەکان، لەگەڵ بەرپرسیارێتیی لە شکستی هەڵبژاردنەکاندا.