وەزیرانی دەرەوەی گرووپی حەوت نیگەرانیی خۆیان لەبارەی مەترسیی پلانی ئێران بۆ توندوتیژی دژی خاک و هاووڵاتییانیان دەربڕی. هاوکات ئیدانەی هێرشەکانی ئێرانیان بۆ سەر وڵاتانی دراوسێ کرد و رایانگەیاند، ئەو هێرشانە بوونەتە هۆی تێکدانی بازرگانی و ئاسایشی وزە و ئابووریی ناوچەکە. چوارشەممە 11ی تشرینی دووەمی 2026، وەزیرانی دەرەوەی گرووپی حەوت، لە بەیاننامەیەکدا لە دوای کۆبوونەوەیەکیان لە پاریس بڵاویانکردەوە، جەختیانکردەوە لەسەر گرنگیی پاراستنی هاووڵاتییانی مەدەنی و دامەزراوە مەدەنییەکان.