سەرۆکی پارتی سۆسیال دیموکراتی کوردستان رایدەگەیەنێت، تا سەر ئێسقان دژی دووئیدارەیی و دابەشکردنی هەرێمی کوردستانن، هاوکات سەبارەت بە بڕیاری دەستگیرکردنیشی وەڵامی توندی لایەنە پەیوەندیدارەکان دەداتەوە و دەڵێت: "لە 50 ساڵی رابردوودا کەس نەیتوانیوە دەستگیرم بکات." محەمەد حاجی مەحموود، سەرۆکی پارتی سۆسیال دیموکراتی کوردستان، لە لێدوانێکدا دەربارەی دۆخی سیاسیی ئێستای هەرێمی کوردستان رایگەیاند؛ کاراکردنەوەی پەرلەمانی کوردستان ئەرکێکی باڵای نەتەوەیی و نیشتمانییە و پێویستە هەنگاوی بۆ بنرێت.