رووداو دیجیتاڵ دوو کچە قوتابیی خوشکی خەڵکی شارۆچکەی بەردەڕەش لە پارێزگای دهۆک، لە پێشبڕکێیەکی نێودەوڵەتیی بیرکاریی هزری (Magic Math) لە شاری ئیستەنبووڵی تورکیا، لەنێوان نوێنەرانی 12 وڵاتی جیهاندا پلەی یەکەم و دووەمیان مسۆگەر کرد. لەو پێشبڕکێ جیهانییەدا کە 300 قوتابی لە 12 وڵاتەوە بەشدارییان تێدا کردبوو، گاردینیا کامیل (تەمەن 13 ساڵ و قوتابیی پۆلی هەشتی بنەڕەتی) لەگەڵ کارینای خوشکی (تەمەن 11 ساڵ و قوتابیی پۆلی شەشی بنەڕەتی) نوێنەرایەتیی کوردستانیان کرد و سەرکەوتنێکی گەورەیان تۆمارکرد.