وادیارە گەشتی دوو کوڕەکەی ئیکەر کاسیاس و سارا کاربۆنیرۆ لە ئەکادیمیای ریال مەدرید کۆتایی هاتووە؛ چونکە گۆڵپارێزی پێشووی هەڵبژاردەی ئیسپانیا، بەتووڕەیی بڕیاری دا مارتین و لوکاس، کە هەردووکیان وەک باوکیان لە پێگەی گۆڵپارێزدا یاری دەکەن، لە ئەکادیمیای 'لا فابریکا' دەربهێنێت، دوای ئەوەی دوو ساڵیان لە ئەکادیمیای یانەی شاهانەدا بەسەربرد. بەپێی هەواڵێکی رۆژنامەی ئەی ئێسی ئیسپانی، ئەم بڕیارەی لەناکاوەی کاسیاس بەهۆی لەدەستدانی رۆڵی دیاری مارتین، کوڕە گەورەکەی هاتووەتە ئاراوە.