964+ ئەحمەد شەمزین گوڵی سناعی و گوڵی سروشتی بازاڕی خۆیان هەیه و ئەو رۆژانەی کە دەرچوونی خوێندکارانی زانکۆیە، ئیتر کاسبکارانی ئەم ئیشە بازاڕیان گەرمە و گیرفانیشیان گەرم دەبێت. ئەمڕۆ ئاهەنگی دەرچوونی خوێندکارانی زانکۆی سەڵاحەدینە لە هەولێر و ئاهەنگە، یوسف ساڵحیش، کە گوڵفرۆش بۆ 964 وتی، سوپاسی خوا دەکات زیاتر لە 100 چەپکەگوڵی فرۆشتووە. یوسف دەڵێت، ئەوانەی گوڵ دەکڕن بە دیاری بۆ خوێندکارە دەرچووەکانی دەبەن، باوک و دایک و کەسوکار بۆ منداڵەکانیان، هەروەها هاوڕێ بۆ هاوڕێ.