سەرۆکی حکوومەتی هەرێمی کوردستان بە بۆنەی گیانلەدەستدانی (زیلان دەشتی)، قوتابیی دەرچووی زانکۆی سەڵاحەدین کە لە رۆژی ئاهەنگی دەرچوونیدا کۆچی دوایی کرد، پەیامێکی هاوخەمی بڵاوکردەوە و سەرەخۆشی لە بنەماڵە و کەسوکاری کرد. خەمبار بووم بە بیستنی هەواڵی گیان لەدەستدانی (زیلان دەشتی) دەرچووی بەشی تەندروستی و زانستی ژینگە لە کۆلێژی زانستی زانکۆی سەڵاحەدین - هەولێر، کە بەداخەوە دوێنێ لە رۆژی ئاهەنگی دەرچوونیدا، گیانی لە دەستدا.