پارێزەرێک لە باکووری کوردستان بە فەرمی داواکارییەکی پێشکەش بە داواکاری گشتیی کۆماری لە دێرسم کرد، بە مەبەستی هەڵوەشاندنەوەی بڕیاری لەسێدارەدانی سەید ڕەزا و هاوڕێکانی، کە لە ساڵی 1937 دادگایی کرابوون. پارێزەر جیهان سۆیلەمەز سەردانی داواکاری گشتیی دێرسمی کرد و بە پشتبەستن بە بنەمای "هەڵوەشاندنەوە لە پێناو بەرژەوەندیی یاسادا"، داوای کرد بڕیاری دادگاییکردن و لەسێدارەدانی سەید رەزا، رێبەری شۆڕشی دێرسم و هاوڕێکانی، کە لە 14 و 15ی تشرینی دووەمی 1937 جێبەجێ کرا، هەڵبوەشێندرێتەوە.