ئەمڕۆ دووەم رۆژی کۆڕبەندی ستراتیژی سلێمانی بە بەشداری ژمارەیەک لە سەرکردە و کەسایەتیی سیاسی، دیپلۆماسی، ئابووری، ئەمنی و سەربازی لە عیراق و وڵاتانی جیهان بەڕێوەدەچێت و قوباد تاڵەبانیش پەیامی دەبێت. لە کۆڕبەندەکەدا چەندین پانێڵی گرنگ سەبارەت بە ئاستەنگە ستراتیژییەکانی خۆرهەڵاتی ناوەڕاست، لەئاسایشی ناوچەکە و جیهان، گەشەپێدانی ئابوری و دۆزینەوەی هەلی نوێی وەبەرهێنان و دیپلۆماسیەت و بەهێزترکردنی پەیوەندییەکان و سەقامگیری ناوچەیی لەڕێگەی گفتوگۆی باڵاوە سازدەکرێت.