دەیەمین فێستیڤاڵی نێودەوڵەتی شانۆی شەقامی کەرکووک، لەژێر درووشمی "دە ساڵ لە شەقام، دە ساڵ لەنێو خەڵکین"، بە بەشداری 16 نمایشی ناوخۆیی و جیهانی، لە شوێنە جیاوازەکانی کەرکووک بەڕێوەچوو. هەینی، 13ی تشرینی دووەمی 2026، نەژاد نەجم، سەرۆکی فێستیڤاڵەکە بە کوردستان24ی راگەیاند، "لەو فێستیڤاڵە چەندین چالاکی و نمایشی جۆراوجۆر پێشکەشکران. نمایشەکان لە چەند وڵاتێکی جیهانی و ناوخۆییەوە بەشدار بوون وەکو عێراق و کوردستان، ئەرجەنتین، توونس و ئێران و فەرەنسا و باکووری کوردستان.