وەزیری دەرەوەی ئەمریکا رایگەیاند، وڵاتەکەی پێویستی بە هیچ ئۆپەراسیۆنێکی سەربازیی زیاتر دژ بە ئێران نییە، چونکە ئەو فشارە ئابوورییەی واشنتن خستوویەتییە سەر تاران ئەوەندە قورسە کە پێویست بە گرتنەبەری رێکاری سەربازی ناکات. مارکۆ روبیۆ، وەزیری دەرەوەی ئەمریکا لە وتارێکدا لەبەردەم کۆمەڵەی فیدراڵیستەکان جەختیکردەوە، ئۆپەراسیۆنی سەربازیی زیاتر لەلایەن وڵاتەکەیەوە دژ بە تاران پێویست نییە، چونکە ئەو ئازارە ئابوورییەی ئەمریکا بەسەر کۆماری ئیسلامیی ئێراندا سەپاندوویەتی، زۆر لەوە زیاتر و توندترە.