وێستگەنیوز- فیردەوس دڵشاد نزار ئامێدی، لە پەیامێکدا بە بۆنەی 242ەمین ساڵیادی دامەزراندنی شاری سلێمانی پیرۆزبایی ئاراستەی خەڵکی شارەکە دەکات و دەڵێت، سلێمانی هێمای خەبات، ڕۆشنبیری و پێکەوەژیانە و نموونەیەکی پێشەنگی شارستانیەتە لە عێراق و ناوچەکەدا. نزار ئامێدی، سەرۆک کۆماری عێراق لە پەیامێکدا بۆ ڕای گشتی ڕایگەیاند: بە بۆنەی 242ەمین ساڵیادی دامەزراندنی شاری خۆشەویستی سلێمانی، پایتەختی ڕۆشنبیریی کوردستان، گەرمترین پیرۆزبایی و دروود ئاراستەی ڕۆڵەکانی ئەم شارە ئازیزە و گەلی خۆشەویستمان دەکەین.