بەرپرسانی ئەمریکا رایانگەیاند، ئیلۆن مەسک لە گەشتەکەی هەفتەی داهاتووی دۆناڵد ترەمپ، سەرۆکی ئەمریکا بۆ چین یاوەریی دەکات، بەمەبەستی بەشداریکردن لە لووتکەی کۆمەڵەی هاریکاریی ئابووریی ئاسیا و زەریای هێمن "ئەپیک". بەرپرسانی باڵای ئیدارەی ئەمریکا روونیکردەوە، ئەو ملیاردێرە و سەرۆکی کۆمپانیاکانی "تێسلا و سپەیس ئێکس" لەو گەشتەدا یاوەری ترەمپ دەکات، بەوپێیەی خاوەنی بەرژەوەندیی گەورەی ئابووری و بازرگانییە لە پەیوەندییەکانی نێوان ئەمریکا و چیندا.