وێستگەنیوز- نێچیر کەمال کۆمپانیای دانە غاز لە ڕوونکردنەوەیەکدا دەنگۆی بەشێک لە میدیا ناوخۆییەکان سەبارەت بە وێستگەی غازی کۆرمۆر ڕەتدەکاتەوە و دەڵێت، بەهۆی ئەو زیانە گەورەیەی بەر وێستگەکە کەوتووە، ناتوانرێت هیچ بڕە غازێک بەرهەم بهێنرێت. وتەبێژی کۆمپانیای دانە غاز لە راگەیەندراوێکدا ئاشکرای کرد: وەک پێشتریش لەلایەن سەرچاوە فەرمییەکانەوە راگەیەندراوە، زیانێکی گەورە بەر وێستگەکە کەوتووە و لە ئێستادا ناتوانرێت هیچ بڕە غازێک بەرهەم بهێنرێت.