964+ ئەحمەد مستەفا لە ئەنجامی بۆردومانەکانی جەنگی نێوان ئەمریکا و ئیسرائیل لەگەڵ ئێراندا، 18 بینای مێژویی لە پارێزگاکانی سنە و کرماشان لە رۆژهەڵاتی کوردستان زیانیان پێگەیشتووە. بەگوێرەی هەواڵی میدیا خۆجێیەکان لە رۆژهەڵاتی کوردستان، لە ماوەی جەنگە 40 رۆژییەکەدا، 5 بینای مێژوویی لە پارێزگای کرماشان و 13 بینای دیکە لە پارێزگای سنە تووشی زیان بوون. لەگەڵ ئەوەشدا، تا ئێستا هیچکام لەو بینایانە نۆژەن نەکراونەتەوە و چارەنووسی پاراستنیان هێشتا نادیارە.