سەرۆکی ئەرکانی وەزارەتی پێشمەرگە، پێشوازی لە پێشمەرگەی کەمئەندامی سەنگەر (سەلمان فەرمان) کرد و لە پای قارەمانێتی و لەدەستدانی بەشێکی زۆری جەستەی لە شەڕی دژی تیرۆریستانی داعش، قەڵخانی رێزلێنانی پێبەخشی. ئەمڕۆ یەکشەممە، 15ی تشرینی دووەمی 2026، وەزارەتی پێشمەرگەی حکوومەتی هەرێمی کوردستان بڵاوی کردەوە؛ فەریق روکن عیسا عوزێر، سەرۆکی ئەرکانی وەزارەتی پێشمەرگە، لە دیوانی وەزارەت پێشوازی لە پێشمەرگەی قارەمان و کەمئەندامی سەنگەر، سەلمان فەرمان کرد.