80 رۆشنبیر، ئەکادیمیست، نووسەر، یاساناس و چالاکوانی مەدەنی لە شار و ناوچە جیاوازەکانی کوردستان، لە راگەیەندراوێکدا لەژێر ناونیشانی "بانگەوازێک بۆ پاراستنی یەکێتیی هەرێمی کوردستان"، دژایەتیی خۆیان بۆ هەڵمەتی واژۆکۆکردنەوە بە مەبەستی بەهەرێمکردنی سلێمانی راگەیاند و جەختیان کردەوە کە چارەسەری کێشەکانی هاووڵاتییان لە رێگەی چاکسازی و دادپەروەرییەوە دەکرێت، نەک پارچەکردنی هەرێم.