964+ ئەرسەلان عەبدوڵا کیشوەری ئەورووپا بە گشتی رووبەڕووی شەپۆلێکی بێ وێنەی هەڕەشەی بۆمب بووەتەوە، تا ئێستاش دەسەڵاتداران ناتوانن سەرچاوەی ئەو هەڕەشانە دەستنیشان بکەن، کە تا ئێستا هەموویان سەلماندوویانە درۆیە. کەناڵی سی ئێن ئێنی ئەمریکی دەڵێت، ئەو هەڕەشانە ئاگادارکردنەوەی ئەمنی بەرفراوانیان لە سەرانسەری کیشوەرەکەدا دروست کردووە. هەڕەشەکان کە زۆربەیان لە رێگەی ئیمەیڵەوە نێردراون، چەندین دەزگای راگەیاندن و زیاتر لە 50 گەشتی فڕۆکە و هەزاران قوتابخانە و لانیکەم کەشتییەکی گەشتیاری کردووەتە ئامانج.